Itukod nga provincial tourism office sa Agusan del Norte target ang hiusang pagpromote sa turismo matag lungsod sa lalawigan

Butuan City – Sa tinguha nga mahiusa ang pag promote sa turismo sa Probinsya sa Agusan del Norte, plano karon sa panggamhanan ning lalawigan nga magtukod ug tourism office sa probinsya.

Sumala kang Agusan del Norte Governor Dale Corvera, aron dili na mag-iyahay ang mga lungsod nga sakop sa Agusan del Norte sa pagpalampo sa ilang turismo kinahanglang agakon kini sa probinsya aron mas maila pa dili lang ang matag lungsod kundi apil na ang katibuk-ang lalawigan sa Agusan del Norte.

Gidugang usab sa opisyal nga duna na silay ginagmay nga kukabildo tali sa Mayor sa Butuan City ug kang Governor Santi Cane sa Agusan del Norte diin nahisgutan ang pagpalambo pa sa turismo sa Agusan del Norte, Butuan City ug Agusan del Sur.