-- ADVERTISEMENT --
BUTUAN CITY – Wala na naka-abot pang buhi sa ospital ang usa ka Senior High School teacher human nabanggaan sa sakyanan sa usa ka opisyal sa Department of Education kon DepEd Surigao del Norte Division.
Na-ila ang bikimang si Lucita Josue nga nagtudlo sa Surigao del Norte National High School sa Surigao City samtang ang suspek nga maoy nagmaneho sa iyang sakyanan mao si Dr. Dominico Larong – CID chief sa DepEd-Surigao del Norte Division.
Nasayrang panaog na sa covered pathway ang biktima dhang gisugat kini sa sakyanang mikalit lang usab og saka sa iyang nahimutangan resulta nga napuruhan kini.
Gihulat na lang sa kapulisan sa Surigao City ang sunod nga lakang nga himuon sa pamilya sa biktima.
