BUTUAN CITY – Nagmugna na og task force ang Police provincial Office sa Surigao Del Norte nga maoy motutuk sa imbestigasyon sa pagpatay sa kanhi huwis sa Municipal Trial Court sa lungsod sa Dapa, Surigao del Norte nga si Atty. Exequil Dagala.
Sigon ni Police Lt. Col. Christian Rafols, Regional Information Officer sa Police Regional Office kon PRO-13 nagpadayon karun ang imbestigasyon sa maong pagpamusil diin lakip sa gilantaw nga motibo ang dunay kalabutan sa trabaho og personal nga away.
Sumala pa sa opisyal nga grabe ka kursanada ang 3 ka mga suspek diin giguba pa niini ang pultahan sa panimalay sa biktima ug gisunod ang pag-guba sa pultahan sa kwarto niini sa ikaduhang andana. Didto na gipusil-pusil ang biktima nga natulog niadtong higayona kauban ang iyang anak, kansa nasamdan usab sa kamot.
Misibat ang mga suspek sakay sa van nga posibling nakagawas na kini sa isla.
Samtang gikumpirma usab ni Rafols nga walay lisensiya ang narekober nga punto 45 nga pistola sa sulod sa kwarto nga gipanag-iyahan sa biktima.
