Mukabat sa 403 ka mga magtutungha gikan sa junior ug senior high schools ang malampusong nitapos sa 3 ka adlaw nga junior police boot camp nga gipahigayon sa Taligaman National High School, Butuan City, Agusan del Norte kagahapong adlawa.
Tumong sa maong aktibidad nga masilsil ang disiplina, patriyutismo, ug kaamguhan sa mga batan-on. Base sa datos sa BCPO nasayran nga nalambigit na sa mga krimen ang mga minor de edad ning syudad. Apil sa mga gihisgutan sa nasangpit nga Bootcamp ang PNP/PNPA Career orientation, kamahinungdanon sa police-community partnership, values formation and spiritual enrichment, first aid, basic fire incident handling, laws for protection of children, anti-bullying, ug defense tactics.
Pasidaan ni Police Regional Office (PRO) 13 Director Brigadier General Joselito T. Esquivel, Jr., ngadto sa mga magtutuon nga mahimo untang responsibly ug dili mohunong sa pagtuon taliwa sa kalisud nga maagian. Ang bootcamp kabahin sa inisyatiba sa PRO13 kalabot na sa E.O. 70 program o ang pagmugna sa National Task Force to End Local Communist Armed Conflict kon NTF-ELCAC.
