BUTUAN CITY – Mi-abot sa 75 ka mga units sa ecological-friendly e-jeepneys ang nagsugod na sa ilang pagpamasahero sa nagkada-iyang bahin sa Caraga Region human ang initial launching niini dinhi sa dakbayan sa Butuan pagpanguna sa Land Transportation, Franchising and Regulatory Board kon LTFRB-Caraga.
Sigon ni Jose Evangeluz Lawemko – chairman sa Diamond Transport Services Cooperative kon DTSCO-Caraga, gipunduhan sa Development Bank of the Philippines kon DBP ang maong mga yunit og 109-milyunes, 800-mil pesos aron magamit sa tanan nilang 877 ka mga membro sa tibuok rehiyon.
Dako ang ilang pagpasalamat nga natuman na sa hingpit ang maong programa nga wala’y ilang gibubo nga capital sukwahi sa gikabalak-an sa ubang mga transport organizations ug operators ilabina nga gitimbaya sila sa DBP tungod kay milyunaryo na matud pa ang ilang mga membro.
Gipasabot ni Lawemko nga ilalom sa Public Utility Vehicles kon PUV Modernization Program, wala sila’y personal nga obligasyon sa ilang makuhang yunit tungod kay otomatiko matud pa kining dedaksyunan sa bangko pinaagi sa tuck-in og tuck-out sa gamiton unyang Automated Circulation System kon ACS card inay nga manukot og kwartang iplite.
