BUTUAN CITY – Napulo ka mga brand new Isuzu IPV nga Bombo Radyo Patrols ang bag-ong nadugang na usab aron hulipan ang mga karaan nang mga sakyanan sa mga Bombo Radyo stations.
Matag-tulo ka tuig, tuyo sa Network nga makapalit og napulo ka mga bag-ong patrol vehicles isip commitment sa Bombo Radyo Philippines nga palapdan pa ang news gathering ug public service ngadto sa mga tigpaminawan niini sa nagkada-iyang panig sa nasud.
Ang Bombo Radyo Philippines duna’y kapin sa 20 ka mga Bombo Radyo Patrols isip suporta aron masiguro ang pagpanguna sa pagpangita niini og mga balita sa ingon maha-um sa gibarugan niining “Get the news first, fast and right” ilabina karong kaylap ang mga fake news.
Ang paningkamot sa mga Bombo Radyo ug Star FM stations pahinungod ngadto sa mga tigpaminawan niining wala’y pu-ol nga miusuporta sa mga programa ug mi-apil sa mga promo campaigns.
