-- ADVERTISEMENT --
BUTUAN CITY – Mi-ani og mga pagtimbaya ang pambato sa dakbayan sa Butuan sa usa ka nationwide TV singing competition human kini napiling grand champion sa ‘Tawag ng Tanghalan: Ang Huling Tapatan’ sa usa ka dakong TV network.
Nasayrang dili lang ang mga Butuanon, Agusanons og Surigaonons ang mihatag og hugot nga suporta aron makakuha og taas nga text votes ang pambato ning siyudad kondili apil ang city government nga mihimo og hugot nga kampanya.
Bisan ang mga Caraganon overseas Filipino workers, mipa-abot usab sa ilang moral support ngadto sa Butuanon singer.
Tungod sa maong kada-ugan, nakuha ni Elaine ang cash prize nga 2-milyunes pesos, house and lot og uban pa.
