-- ADVERTISEMENT --
BUTUAN CITY – Mi-ani og managlahing reaksyon ang deklarasyon sa Commission on Civil Service kagahapong adlawa isip ‘Pagkaing Pamilya Mahalaga Day’ ilawom sa gi-anunsyo niining CSC Announcement No. 53 series of 2019.
Dinhi sa Caraga Region ilabina sa dakbayan sa Butuan, natingala ang mga ginikanan sa mga magtutungha nganong sayong gipapa-uli ang ilang anak nga wala man la’y gihatag kanilang rason.
Sa posting na lang sa Bombo Radyo Butuan web page nila nasayran ang rason niini.
Samtang duna usa’y uban nga mikwestyon nganong ang mga empleyado lang sa gobyerno ang gipapa-uli kagahapon sa alas-dos sa hapon tungod kay duna man usab matud pa’y mga pamilya ang mga private employees.
