BUTUAN CITY – Bisan og natawo sa England og nagdako sa Estados Unidos, mapasigarbuhong girepresentahan sa 70-anyos nga si Dennis Scott ang Pilipinas sa gipahigayong Southeast Asian Championships nga gipahigayon sa Sabah, Malaysia.
Sa eksklusibong pakighinabi sa Bombo Radyo Butuan, gipadayag Scott kinsa 14 ka tuig nang permanent resident immigrant sa Pilipinas nga ang iyang paghakot og upat ka mga medalyang bulawan ug duha ka silver medals, diha kini sa Masters’ Athletics open category sa track and field kondiin apil siya sa mga pambato sa nagkada-iyang events sa Philippine National team.
Iyang gipasabot nga sa nagkada-iyang international sports competitions nga iyang gipang-apilan, dakong garbo alang kaniya nga irepresenta dili lang ang dakbayan sa Butuan o kaha Caraga Region kondili ang entiro Pilipinas.
Kini bisan og sa sinugdanan, duna’y mukwestyon niini taliwa nga una na siyang nagpasabot sa mga events organizers og nasabtan usab nila kini base sa international rules.
