BUTUAN CITY – Sugdan karong adlawa sa Sangguniang Panlungsod sa General Santos City sa pagpanguna ni City Councilor Edmar Yumang ang marathon consultation kalabot sa mga nagpadagan sa investment scheme nga nag-operate sa maong siyudad.
Sigon ni Konsehal Yumang nag-imbitar sila og mga govertment officials ingon man mga opisyal sa nagkada-iyang ahensya sama sa Business Permit and Licensing Division, Department of Trade and Industry, Securities and Exchange Commission kon SEC, Cooperative Development Authority, Philippine National Police, Criminal Investigation Detection Group, National Bureau of Investigation ug uban pang duna’y kasayuran sa operasyon sa mga investment schemes sa maong siyudad.
Dugang pa sa opisyal, posibleng mamahimo nilang bisita ugmang adlawa ang mga nagpasi-ugda sa maong negosyo, apil ang mga founders ug operators samtang sa Biyernes usab ang mga biktima sa nagkada-iyang investment scam.
