BUTUAN CITY – Gi-andam na ang kasong pagpanglugos batuk sa 39-anyos nga lalaking mi-molestiya sa 11-anyos nga anak sa iyang hinigugmang Overseas Filipino Worker kon OFW.
Nasayran nga miadto sa kauluhang Manila ang inahan sa bikima aron maghikay sa gikinahanglang mga papeles sa iyang pag-abroad rason nga gibilin niya ang iyang anak nga si alyas Langlang ngadto sa iyang hinigugmang si Bernie Ortiz Tagum sa may Purok-5, Damayan sa Brgy. Libertad ning siyudad sa Butuan.
Sa pagbalik sa inahan, nagduda na kini human nakita nga kanunay nang magtungok ang iyang anak rason nga misumbong kini sa kapulisan.
Gihimo gilayon ang joint operation sa ginsakpan sa Butuan City Police Station-1 ug 3 ning nakalabay’ng alas 7:00 gabii, kauban ang inahan og dinhi nakumpirma ang gibuhat sa suspetsado ngadto sa biktima apan dali kining nakasibat.
Nadakpan ang suspek pagkasunod adlaw pasado sa alas 8:00 sa buntag sa gihimong pursuit operation sa sentrong bahin ning dakbayan.
Gipailalom pa sa medical examination ang biktima samtang ang suspetsado nagtingkagol na sa Butuan City Police Station-1 alang sa tukmang disposasyon
