BOMBO BUTUAN – Emosyunal nga nagpasalamat sa Bombo Radyo Butuan og sa Faith Baptist Church ang mga tigpaminawan ning sibyahan nga nakadawat sa mobility aids nga ilang nadawat kaganina.
Nasayrang tungod kay ang Bombo Radyo ang paboritong ginapaminawan sa Faith Baptist Church, gisalig sa kadumalahan niini dinhi sa sibyahan ang pagpang-apod apod sa pipila ka mga crutches, walkers, wheelchairs og adjustable beds alang niadtong mga tawong nanginahanglan niini.
Kaganina, emosyunal ang pipila sa mga benepisyaryo niini tungod kay dakong tabang na kini aron ma-abagan ang ilang paglihok-lihok.
Sigon ni Pastor Vicente Serrano, gawas sa pipila ka mga ospital nga ila na usab nga natunulan sa maong mga mobility aids, mas gipili usab nila ang Bombo Radyo Butuan nga maoy mu-facilitate sa paghatag sa maong mga butang ngadto sa labaw’ng nanginahanglan niini human nakita ang kasibot nga makatabang sa mga less fortunate nga katawhan.
Mi-abot sa tulo ka mga wheel chairs, duha ka adjustable beds, mga crutches og walkers balor sien-mil pesos ang ilang napang-apod apod kaganina sa ilang simbahan og dinhi sa sibyahan.
