BUTUAN CITY – Duha ka mga tripolante sa usa ka cargo motorbanca ang angol human kini midilaab dihang pabiya na unta padulong sa lungsod sa Dapa sa Siargao Island, Surigao del Norte.
Sigon ni Philippine Coast Guard kon PCG Surigao del Norte Station Commander Lawrence Roque, lulan sa M/L JENUA-2 ang pito ka mga tripolante dihang kalit lang kining midilaab pasado alas-4:45-kagahapon sa sayong buntag dihang duol pa sa pantalan sa Hayanggabon, lungsod sa Claver, Surigao del Norte.
Naka-angkon og minor burns ang duha ka mga tripolante og gidala gilayon sa ospital aron katambalan.
Ang mga personahe na sa PCG Hayanggabon, ingon man sa Bureau of Fire Protection kon BFP-Claver og PNP Maritime Group ang naglusad sa firefighting operation.
Migawas sa inisyal nga imbestigasyon nga gikargahan ang maong motorbanca og 20,000 litros nga gasolina apan dugang imbestigasyon pa ang himuon aron masuta ang hinungdan sa pag-ulbo sa kalayo og malikayan nga subli pa kining mahitabo . .
