BUTUAN CITY – Nakabsan sa iyang kinabuhi ang usa ka pasyente human mi-ambak sa ikalimang andana sa Caraga Regional Hospital sa Surigao City.
Naila ang biktimang si Remlanie Yubos Monticlaro, 52-anyos, minyo og residente sa Purok 10, Brgy. Bangonay, lungsod sa Jabonga, Agusan del Norte.
Sigon sa 72-anyos nga inahan sa biktimang si Pacita Maturan, gi-admit matud pa sa ikalimang andana sa Bengzon Wing sa maong ospital ang iyang anak tungod sa gibati niining pagsakit sa dughan og tiyan.
Na-diagnose siyang duna’y Pneumonia Rule-Out PTB Relapse og kaganinang buntag, misulti pa kini sa nurse nga dili na niya kaya ang iyang gihambing balatian.
Nakurat na lang sila dihang midalikyat na kini sa abli nga sliding window og mi-ambak kondiin mitugpa siya sa atop sa kasikbit nga dakbalay nga nag-una ang ulo resulta sa iyang hinanaling kamatayon.
