BUTUAN CITY – Midangop na sa Butuan City Police Station 1 ang usa ka ulitawo human nga wala naka-payout gikan sa iyang na-invest nga kwarta sa investment company nga Forex.
Sigon sa 40-anyos nga si alyas Dodong, residente sa Purok 5, Brgy. San Ignacio ning siyudad, gi-recruit siya sa iyang ka-ubanan sa trabahong si Rita Uval, 56-anyos og residente sa Brgy. Buhangin ning siyudad rason nga nag-payin siya og 3-mil pesos niadto lang Hunyo 8.
Misaad usab ang suspek nga makadawat siya og 2,200-pesos kada-semana bugti sa na-put up niyang kwarta.
Apan milabay na lang ang kapin usa ka semana, wala pa siya naka-payout rason nga iya na lamang gipa-blotter ang suspek.
Pursigido si Dodong nga mupasaka og kaso bisan og ma-uli pa ang iyang giput-up nga puhunan aron maleksyon matud pa ang mga nagpaluyo sa maong scam.
Kini ilabina nga iyang gikibhangan ang iyang pundo alang sa mga nag-una niyang panignahanglanon tungod sa maong pasalig.
Wala na matud pa siya maglaum nga mabalik pa ang iyang 3-mil pesos dayong butyag nga tutukan niya ang gihimong pag-ilad kaniya.
