BUTUAN CITY – Sa telebisyon na lang mutan-aw sa game 6 ugmang adlawa tali sa Toronto Raptors si Golden State Warriors small forward Kevin Durant tungod sa iyang pagpa-opera sa na-angkong secondary injury atol sa game 5 nila sa Toronto Raptors niadtong Lunes kansa giparot lang nila og half shot.
Giklaro sa physician ug sports analyst nga si De. Virgilio Nery Jr. nga ang nasinati-ang achilles tendon injury sa tuong tiil ni Durant mugna sa tissue nga nagkonekta sa muscle sa bagtak ug bukog niini sa tiil.
Gipasabot niining ang pagkadaot sa iyang Achilles tendon ang hinungdan nga nawad-an ug kusog ang tiil sa magdudula human unang nakahi-agom ug calf muscle injury rason nga taas-taas nga panahon paang gikinahanglan alang sa iyang pagpahulay.
Giklaro pa sa physician ug sports analyst nga dili basta basta ang injury sa player sukwahi sa komento sa ubang mga netizens nga arte lang kini ni Durant tungod kay patapos na ang kontrata niini.
Mahinumdumang sa game 5 atol sa second quarter, kalit lang nga ni-ingkod sa kurto si Kevin Durant human kini na-injured.
Emosyonal usab nga namahayag ang general manager sa Golden State Warriors diin gibasol ang iyang kaugalingon tungod sa kahimtang sa iyang player.
