BUTUAN CITY – Gihikay na ang kasong ipasaka batuk sa tigpayuhot sa ginadiling drugas human kini nasikop sa buybust operation sa kapulisan kaganinang alas5:30 sa hapon sa may Purok Sibuyas, Barangay Golden Ribbon ning siyudad sa Butuan.
Naila ang suspetsado nga si Pablito Furton alyas Dodong, 36-anyos, menyu dunay 6 ka mga anak nga taga Barangay 10, sakop sa siyudad sa Cabadbaran sa lalawigan sa Agusan Del Norte.
Nakuha sa puwersa sa Butuan City Police Office kon BCPO ang 6 ka sachet nga dunay sulod sa gitoohang shabu, mil-900 nga kwarta lakip na niini ang usa ka libo nga marked money.
Gikustudiya na sa BCPO ang suspetsado alang sa tukmang disposasyon samtang nakatakdang isubmite ngadto sa PNP Crime laboratory ang nakuhang mga butang alang sa screening ug confirmatory testing.
Samtang sa pakighinabi ning sibyahan kang Barangay Golden Ribbon Kapitan Juvy Delgado, gipahayag niining naghatag ug mantsa lang kini sa iyang barangay nga nadeklara nang drug cleared.
Sigon pa ni Delgado, nakakuha na siya ug impormasyon may kalabutan sa nasangpit nga suspetsado nga gikonsiderang mihinay-hinay ug balik sa pagpamaligya ug drugas.
Angayan matud pa kining imbestigahan pag-ayu ilabina kay duna siyay nadawat nga impormasyon nga duna kini mga kaubanan sa may Barangay Ignacio ug Barangay Ong Yu.
