BUTUAN CITY – Doble kasakit ang gibati karon sa usa la lalaki tungod kay siya na man hinuon ang nabilanggo taliwa nga siya matud pa ang na-agrabyado human gilu-iban sa iyang ka-ipon.
Sa eksklusibong pakighinabi sa Bombo Radyo Butuan, gipadayag ni Rafael Regala, 43-anyos, lumad nga taga-Brgy. Manoligao, Carmen, Agusan del Norte og kasamtangang nagpuyo sa Purok 8, Slaughter sakop sa Brgy. Obrero ning siyudad, iyang nasapon ang iyang ka-ipong si Gaga nga misulod sa ilang kwarto ka-uban ang gika-ingong karelasyon niini nga ila ra usab nga dish washer nga si Paeng.
Kaduha na matud pa niya nasapon ang duruha sulod sa kwarto apan nakadagan si Paeng rason nga wala niya kini na-apsan.
Tungod kay nag-wild kini sulod sa panimalay, gisumbong siya sa iyang kapuyo ngadto sa kapulisan og siya pa ang gipriso human nasutang kini lango sa ilimnong makahubog.
