BUTUAN CITY – Miabot sa katibuk-ang 200-mil pesos ang gibana-banang damyos human miulbo ang sunog kagahapon sa alas 8:30 sa buntag sa may Purok Uno Cassava, Brgy. Maon ning siyudad sa Butuan.
Ang maong sunog, milamoy sa panimalay ni Dario Sales diin nagsugod ang kalayu og nadamay ang panimalay nila Robert Sales, Arnold Sales og Santiago Sales samtang partially burned usab ang pinuy-anan nila Alicia Mantilla og Nestor Sales.
Nasayrang human nakadawat ug firecall ang Buraeu of Fire Protection kon BFP-Butuan, gelayon nakaresponde ang 6 ka mga firetruck diin gi-isa ang ikaduhang alarma.
Nadeklarang napalong na ang kalayu mga alas 9:34 sa buntag. Sa nahimong pagpanubay, nasayrang nagsumikad sa pinuy-anan ni Dario Sales ang sunog diin ang iyang 3-anyos nga apong babaye maoy nagdula-dula sa posporo sulod sa kwarto niini.
Misinggit matud pa ang iyang apo hinungdang luwas silang nakagawas sa panimalay apan walay nabitbit nga bisan usa ka butang.
Gelayon usab nga gipaabot ni Barangay Maon kapitan Bob Vicente ang maong panghitabo ngadto sa City Social Welfare Development kon CSWD-Butuan aron mahatagan og ayuda ang apektadong indibidwal.
