BUTUAN CITY – Subay sa gihingusgang kampanya batok sa mga loose firearm. Malampusong nasikop sa Caraga police ang usa ka mayoral candidate ug laing upat ka indibidwal sa managlahing operasyon nga gilusad kagahapong adlawa.
Giila ni Police Brigadier General Gilberto DC Cruz, Police Regional Office kon PRO 13 Director ang naaresto nga si Jupiter Abulog, 40 anyos, residente sa Brgy. Sta Cruz, Rosario, ADS, ug kasamtangang nipapili isip mayor sa Rosario, Agusan del Sur.
Pinaagi sa gihiusang pwersa sa Crime Investigation and Detection Group, Agusan Del Sur Provincial Force Unit, CIDG Regional Force Unit 13, Rosario Municipal Police Station, Provincial Mobile Force Company 1st Coy, 15 Special Action Companu, 1SAB-Special Action Force and 1301st Maneuver Coy-Regional Mobile Force Battalion 13, na implementar ang Search Warrant nga gi isyu ni Hon. Lou A Nueva, Presiding Judge, RTC 10th Judicial Region, Branch 7, Bayugan City, sa paglapas sa RA 10591 nga gipetsahan ug May 9, 2019 kansa nagresulta sa pagka aresto sa suspetsado pasado alas 9:30 sa buntag kagahapong adlawa.
Nakumpiska gikan sa suspek ang 6 ka caliber .45 pistols; usa ka caliber .40 pistol; usa ka M16 Rifle; ug pipila ka buhing bala ug magazines sa Caliber .45 pistol; magazines ug bala sa Caliber .40; buhing bala usab sa of 5.56mm ug usa ka magazine sa M16 rifle.
Samtang sa probinsya sa Surigao del Sur, naaresto sa gihiusang operasyon sa Tago MPS, Surigao Del Sur Provincial Mobile Force Company ug 36th IB, Bravo Coy, Phil. Army sila Reynold Sinzo, 29 anyos, nga taga Brgy. Unaban, Tago, SDS; Jonalito Tello, 27 anyos, nga taga Brgy. Caras-an, Tago, SDS, ug Ronald Ruba, 18 anyos, taga Brgy. Libertad, Butuan City, AND pinaagi sa hot pursuit operation.
Ang nasangpit nga mga suspek gikatahong nalambigit sa pagpanulis ug pagpanghulga kang Brgy. Capt. Hermilyn Silvoza Ugat sa Brgy. Anahao Daan, Tago, SDS.
Gikatahong nakorner ang mga suspetsadp sa ilang hideout sa Brgy. Anahao Bag-o, Tago, SDS. Nakumpiska gikan niini ang 2 ka Caliber .45 pistols, upat caliber .45 steel magazines, ug pipila ka ammunitions, brown holster, ug itom ka sling bag.
Sa pikas bahin malampuson usab nga nasikop sa Madrid MPS ug Surigao Del Sur Police Provincial Office, si Christopher Sullano, 43 anyos ug residente sa Barangay Manga, Madrid, Surigao del Sur.
Nakumpiska gikan sa suspetsado ang usa ka caliber .45 pisto; upat ka long aluminum magazine sa caliber .45 nag puno sa ammunition; tulo ka M16A1 rifle magazine nga puno ug bala ug us aka unit sa ELISCO M16A1 rifle nga dunay short aluminum magazine nga puno usab sa buhing bala.
Sa karon giandam na ang kasong ipasaka sa mga naaresto, kasong paglapas sa Republic Act No. 10591 o Comprehensive Firearms and Ammunition Act.
