BUTUAN CITY – Desidido si Mayoralty candidate Jose Alson Medidas nga pasakahan ug kaso ang supporter sa iyang ka-atbang nga namusil atoll sa ilang campaign rally niadtong sabado sa gabii sa may Barangay Sampaguita, Veruela, Agusan Del Sur.
Sigon ni Medidas, miadtu na sila sa Veruela Municipal Police Station aron makuha ang mga dokumentong gamiton sa pagpasaka ug kaso apan sabutan pa nila sa abogado kung unsa ang tukmang kaso batuk niini.
Segurado usab si Medidas nga tawo kini sa iyang ka-atbang nga si incumbent Mayor Myrna Mondejar. Lakip sa naka-payroll matud pa sa munisipyo ang suspek nga si Joey Mansia, 33-anyos, olitawo og residente sa maong dapit kansa nagtrabaho usab sa pamilyang Mondejar.
Saysay pa ni Medidas, kumulong estorya ang iyang grupo sa dihang dunay miabot nga lalaki nga matud pa naka-inom sa ilimnong makahubog kansa mipalag human gisultiang maminaw lang. Mibunot kini sa iyang dalang pistol og bisan paman nga gitabangan na kini ug hawid, nakahimu pa sa pagkablit sa gatilyo og nakapabuto sa unom ka higayon.
Samaran sa maong hitabo ang 4 ka indibidwal nga gilangkuban nila Salvador Piencinaves Jr. kinsa anaa sa kritikal nga kahimtang human na-igo sa tiyan, sila Jaypee Salibongcogon ug Alvic Navarro kinsa parehong na-igo sa tiil og si Felipe Buntogon nga na-igo sa tudlo.
Sumala pa ni Medidas, wala na nadayun pa ang maong rally tungod kay siya mismo ang nagdala sa mga nasamdan sa balay-tambalanan. Dako ang pagtoo usab niini nga posibling dunay target nga pusilon ang suspetsado niadtong higayona.
Una nang gipahayag ni Police Captain Carmelo Malomay, acting OIC sa Veruela Municipal Police Station nga patong-patong nga kaso ang atubangon sa suspek, og usa na niini ang paglapas sa comelec gun ban.
Gigapos ang suspetsado sa mga nagpakabanang indibidwal ug didto nila giturn-over sa Agusan Del Sur Police Provincial Office adiser kini nadetine karun sa Veruela Municipal Police station. Lakip sa eberipika sa karun kung lisensiyado ba ang nasangpit nga armas samtang padayon usab ang gihimu nilang imbestigasyon.
