BUTUAN CITY – Usa ka astrology influencer sa Estados Unidos nga nabalaka sa solar eclipse ang midunggab-patay sa iyang live-in partner, dayong tuklod sa duha nila ka mga anak gikan sa nagdagan nga sakyanan sa biktima ug gibangga niya kini sa kahoy.
Migawas sa imbestigasyon sa kapulisan nga sayo pa lang sa buntag, gidunggab-patay ni Danielle Johnson, ang iyang Air Force veteran partner nga si Jaelen Allen Chaney, adiser niini gimanehuan ang Porsche Cayenne bitbit ang duha nila ka mga anak nga babaye.
Samtang ilang gisubay ang major 405 freeway, gipangtuklod ni Johnson ang mga bata nga nag-edad og 9-anyos ug ang walo ka buwan pa lang samtang nagdagan ang sakyanan kondiin anaa na sa luwas nga kahimtang ang maguwang.
Daling miresponde ang mga pulis sa dapit nga nahitabuan sa Pacific Coast Highway kondiin didto na napalgan ang patay’ng lawas ni Johnson nga grabe na ka deform hinunddan nga dili na kini halos ma-ilhan.
Dihang gidalikyatan sa kapulsan ang apartment nga ilang gipuy-an,nakit-ang naligo sa iyang kaugalingong dugo ang 29-anyos nga si Chaney nga duna’y dinunggaban sa dughan.
