BUTUAN CITY – Patay ang unom katawo ug daghan pang uban ang samdan human nga sila gipamusil sa Kyiv.
Nahitabo ang isidente sa southern Holosiivskyi district diin usa ka lalaki ang walay kalooy nga namusil sa mga tawo.
Sigon ni Interior Minister Ihor Klymenko nga gisugdan sa suspek ang pagpamusil sa mga tawo diha sa kadalanan hangtud nga nanghostage kini dool sa merkado.
Miabot sa 40 minutos ang pakig-negosyar hangtud nga gimandu ang pagpatay sa suspek human usab niini gipatay ang usa sa upat katawo nga iyang gi-hostage.
Napatay ang suspek sa dihang nakigpinusilay sa kapulisan.
Base usab sa pagbana-bana ni Ukrainian President Volodymyr Zelensky anaa sa 14 katawo ang nasamdan lakip na ang 12-anyos nga bayong-bayong.
Dugang pa sa presidente nga upat ang napatay diha sa kadalanan samtang usa ka babaye nga anaa sa 30-anyos ang napatay sa ospital samtang napatay usab ang suspek nga gikan sa Moscow, Russia.
