BUTUAN CITY – Arestado ang lima ka indibidwal nga nalambigit sa child pornography ug sexual trafficking sa gikasang operasyon sa mga kapulisan sa Surigao del Sur. Sigon ni PNP Chief Gen. Archie Francisco Gamboa, narescue sa nasangpit nga operasyon ang 13 ka menor-de-edad ug duha ka indibidwal nga biktima sa exploitation og trafficking.
Sumala ni PNP chief, nakadawat sila og impormasyon gikan sa Australian Federal Police mahitungod sa nasangpit nga iligal nga aktibidad rasong gelayon nga gikasa ang entrapment operation sa mga personahe gikan sa Women and Children Protection Center, ug Anti-Cybercrime Group; kauban ang operatiba sa Caraga Region Police, mga personahe sa Department of Social Welfare and Development ug Regional Inter-Agency Council Against Traffickng (RIACAT) sa nakalabay nga mga adlaw batuk sa mga suspeks sa duha ka lokasyon sa Bislig City, Surigao del Sur particular sa Purok 8 Coaco, Tabon, og P-3 San Fernando, nga maoy gigamit isip online sex shows diin mga bata ang gigamit nga gipahimuslan sa mga langyaw nga audience bugti ang bayad.
Sigon ni Gamboa, igo na ang ebidensiya nga nakuha sa PNP nga magdoot sa mga suspeks sa kasong child exploitation and trafficking.
Lakip sa naaresto sa mga otoridad ang mismong mga ginikanan sa mga biktimang bata. Kasong paglapas sa RA 9208, RA 9775 in relation to RA 10175 og RA 7610; ug pagsupak sa RA 10364 o Expanded Anti-Trafficking in Persons Act of 2012 ang atubangaon sa mga suspeks.
Sa karun anaa sa kustodiya na sa City Social Welfare and Development Office sa Bislig City ang mga biktimang menor-de-edad. Samtang na-priso na sa Bislilg Municipal Police Station ang mga suspeks.
Gipahayag usab ni Gamboa, nga ang PNP ug Australian Federal Police dunay kusog nga working partnership batuk sa child tracking and exploitation pinaagi sa Philippine Internet Crimes Against Child Center.
