BUTUAN CITY – Gibantayan sa Philippine Coast Guard ang pagdagsa sa mga pasahero sa lima ka mga nag-unang pantalan sa nasud karong Semana Santa sama sa mga pantalan sa Batangas, Cebu, Iloilo, Bohol ug Oriental Mindoro.
Kini tungod sa libuang mga pasaherong mudagsa matag-ingon niini nga panahon.
Sigon ni PCG spokesperson Commodore Noemi Cayabyab, bisan og ang tanang pantalan, mutala og pagsaka sa mga pasahero apan kaya nilang ma-accommodate ang dakong bulto sa mga pasahero tungod kay daghang mga shipping lines naman ang magbiyahian sa tagsa-tagsa nila ka mga ruta.
Apil sa ilang gibantayan ka-uban ang Philippine Ports Authority kon PPA mao ang posibleng pagpalusot sa mga kontrabando, seguridad sa mga pasahero ug uban pa.
Gipadayag sa opisyal nga pabiling hapsay ang biyahe sa mga pantalan sukad pa niadtong Sabado nga mao ang pagsugod pagdagsa sa mga pasahero.
