BUTUAN CITY – Dili mu-ubos sa 44 ka mga Iranian seafarers ang patay samtang laing 29 ang angol sukad gisugdan sa Estados Unidos ug Israel ang giyera sa Iran.
Sigon ni Iranian Merchant Mariners Syndicate General-Secretary Saman Rezaei, na-apil sa listahan sa mga nakalas ang 22 ka mga civilian sailors, 16 ka mga mananagat ug unom ka mga dock workers kansa napatay tali niadtong Pebrero 28 hangtud Abril 1. Ang maong ihap, nakolekta matud pa sa Ports and Maritime Organization sa Iran ug mga membro sa iyang unyon.
Kini wala pa’y labot sa mga namatay nga membro sa Iranian navy nga napatay sa US ug Israeli forces. Ang maong mga findings, gisubmite ni Rezaei pinaagi sa ubay-ubay nga mga sulat letters of complaint ngadto sa International Maritime Organization (IMO) sa United Nations.
Nakalatid sa iyang mga sulat nga dili mu-ubos sa 29 ka mga Iranian seafarers usab ang angol ug siyam ang missing.
Nasayrang ang Iranian Merchant Mariners Syndicate, affiliated sa International Transportation Workers’ Federation (ITF) ug nagrepresent sa mga trabahante atol sa mga negosasyon tali sa mga Iranian shipping companies.
Sukad nagsugod ang giyera, naghanyag usab kini og humanitarian, medical ug repatriation assistance ngadto sa mga stranded nga seafarers.
