BUTUAN CITY – Malampusong nabungkag sa mga sakop sa Philppine Drug Enforcement Agency kon PDEA-Agusan del Sur Provincial Office uban sa San Francisco Municipal Police Station ug Agusan del Sur-Provincial Intelligence Unit ang usa ka drug den sa gipahigayong drug buy-bust operation ning mi-aging als-2:40 sa hapon.
Gihimo kini sa Purok 6A, Milionares Village, Brgy. 3, San Francisco, Agusan del Sur nga miresulta sa pagkasikop sa mga drug personalities nga sila Ryan Tanjay Royo, Alexis Buron, Regine Cervantes ug Renato Dagus Jr.
Nakuha gikan sa ilang posisyon ang usa ka heat-sealed transparent plastic sachet sa shabu nga gibana-banang mitimbang og uno- gramo ug nagkantidad og 6,800-pisos kansa mao ang gibaligya.
Laing duha pa ka sachets sa susamang epektos usab ang nakuha nga gibana-banang nagkantidad og 68-mil pisos uban sa usa ka Android phone, mga drug paraphernalia ug marked money.
Ilang atubangon ang mga kasong pagpamaligya, pagmintina ug pagbisita sa drug den, apil na ang pagbaton, ug paggamit og ilegal nga druga ingon man drug paraphernalia.
