BUTUAN CITY – Dili makatuo ang amahan sa usa ka 4-anyos nga batang lalaki nga maka-uli siya’g ahat samtang nagtrabaho sa abroad tungod sa pagkamatay sa bata human nahulog gikan sa ika-27 nga andana sa Median Condominium sa La Guardia Extension sa Barangay Lahug, Cebu City kagahapon sa buntag, Abril 8 Lunes.
Base sa imbestigasyon sa kapulisan, nga mi-adto sa kusina ang inahan sa biktima aron magkape samtang nagtuo nga natulog pa kini sa kwarto ka-uban ang igsoon niini ug dako na lang ang iyang kakurat dihang wala na sa kwarto ang biktima nga wala na niya makita dihang kamulo niya kining gisuhid sa tanang suok sa ilang yunit.
Ulahi na niyang nasayran nga nahulog na kini kansa mi-igo pa sa canopy sa ikatulong andana hangtud nga milahos na pagkahulog duol sa swimming pool sa ground floor kondiin gidala gilayon kini sa uptown area hospital, apan gideklarang dead-on-arrival.
Gitu-uhang mi-adto sa balkonahe ang bata ug nikatkat gamit ang gamay nga lingkuranan hinungdan sa iyang pagkahulog.
