BUTUAN CITY – Posibleng dili pa gihapon matapos karong adlawa ang ikatulong pre-trial conference tali sa house prosecution panel ug sa defense team ni Vice President Sara Duterte, adiser ang trial proper sunod buwan.
Sigon ni house lead prosecutor Rep Gerville Luistro, tungod kini sa kadaghan sa mga ebidensyang markahan sama sa libuang mga dokumento nga parehong susihon sa duha ka kampo. Gisugyot na matud pa nila ngadto sa defense team ang common markings kon pagmarka sa parehong mga dokumento kondiin usa ka higayon lang markahan ang dokumento nga parehong gamiton sa duha ka panig.
Gipamugos ni Luistro nga duna’y daghang mga adopted exhibits gikan sa ilang kampo ug panig sa depensa rason nga mas mapadali ang proseso sa common markings. Apan gibalibaran matud pa kini sa depensa rason nga nalangay ang proseso.
Samtang sa panig usab sa depensa, giklro ni Atty Michael Poa nga normal lang nga makabaton og managlahing markings tungod kay managlahi man ang ilang mga dokumento bisan og duna’y higayon nga susama ra ang mga unod niini.
Gipasabot niini nga gituyo nila kini arom ma-ampingan og maayo ang ilang mga dokumento sa rasong mao na kini ang gamiton ug basehan sa impeachment court sa pagtaral sa besi presidente.
