BUTUAN CITY – Mi-abot na sa 34 ka mga pampublikong tunghaan dinhi sa Butuan City ang nagpatuman na sa kombinasyon sa in-person ug modular distance learning tungod sa padayong nasinatiang extreme heat index.
Sa eksklusibong pakighinabi sa Bombo Radyo Butuan, gibutyag ni Emilio Makiling, ang disaster risk reduction and management officer sa Department of Education kon DepEd-Butuan City Schools Division, nga nagpasa na sila og online report kalabot sa mga tunghaang nag-shift sa ilang klase gikan sa in-person ngadto sa modular o blended classes tungod sa mga health issues nga nasinatian dili lang sa mga estudyante kondili apil na sa mga magtutudlo ug sa mga school staff.
Wala matud pa’y kabalak-an ang mga modules kansa i-isyu matag-kwarter tungod kay wala man kini giwala sa DepEd hinungdan nga magamit gilayon kini sa mga estudyante.
Gisugdan matud pa kini sa Taguibo Elementary School ning mi-aging semana human nga usa sa ilang mga magtutungha ang gisunggo tungod sa grabe ka-init sa panahon.
