BUTUAN CITY – Tulo ang patay samtang duha ang padayon pang gitambalan human nahulog sa pangpang ang ilng gisakyang Isuzu forward truck kaghapon sa alas-5:30 sa hapon sa Purok 3, Brgy. Tungao ning siyudad sa Butuan.
Sa eksklusibong pakighinabi sa Bombo Radyo Butuan, gi-ila ni PCaptain Ramon Atenta, acting station commander sa Butuan City Police Station 5 ang mga namatay’ng biktima nga mao ang managsoong Alicia Alampayan Pancho, 66-anyos ug Develyn Alampayan, 52-anyos ug ka-uban nilang minor-de-edad nga si Jemar Pancho parehong residente sa Km. 10, Sitio Bagong Silang, Brgy. Tungao ning siyudad.
Samtang padayon pang gitambalan ang driver nga si Carlito Alampayan, 62-anyos, minyo, igsoon managsoong namatay uban sa lain pang bata.
Sa ilang pakighinabi sa driver, nasuta nga padulong unta sila sa sentrong bahin ning siyudad saron ibaligya ang uling nga gikarga sa sakyanan kansa maoy ilang negosyo apan pag-abot sa bahada nga bahin, mibuto ang brake sa trak rason nga wala na makontrola sa driver ang manibela hinungdan sa pagkahulog niini sa pangpang.
