-- ADVERTISEMENT --
BUTUAN CITY – Tulo na ka bata ang natakboyan ug Pertussis o Whooping cough sa syudad sa Cagayan de Oro. Sa interview sa Bombo Radyo, gikumpirma ni Cagayan De Oto City Health Officer Dr. Rachel Daba-Dilla nga duha na ka 3-month-old nga masuso ug usa ka 2-month-old usab ang nakabaton ug Pertussis.
Giawhag ni Dilla ang katawhan sa maong dakbayan nga magsuot ug facemask ug maglikay sa huot ug daghang tawo nga lugar. Gidugang ni Dilla nga vaccination ang pinaka-epektibong paagi aron malikayan ang maong kagaw.
Gipunting usab niini nga dili lalim ang matagamtam sa bata nga maigo sa Pertussis kay maglisod man kini ug ginhawa tungod sa bacteria nga moatake sa baga ug mahimong mosangko sa kamatayon.
