-- ADVERTISEMENT --
BUTUAN CITY – Nakatala og tulo ka mga bag-ong patay sa COVID-19 ang Caraga Region karong adlawa samtang 113 ang mga bag-ong kaso kondiin 111 kanila ang naka-isolate samtang 64 ang bag-ong nakarekober.
Pinakadaghan ang natala sa Bislig City nga mi-abot sa 30 ka mga kaso, gisundan sa Agusan del Sur-18; Surigao City-13; Butuan City – 12; tagnapulo sa Agusan del Norte ug Surigao del Sur; Dinagat Islands province-9; Cabadbaran City – 5 samtang 4 sa Surigao del Norte; ug duha sa Tandag City.
Tungod niini, mi-abot na karon sa 10,335 ang cumulative COVID-19 cases ning rehiyon, 938 ang naka-isolate, 9,043 ang nakarekober ug mi-abot na sa 354 ang kinatibuk-ang patay.
