BUTUAN CITY – Nakatala na usab og 22 ka mga bag-ong kaso sa COVID-19 ang Caraga Region nga gilangkuban sa 15 ka mga babaye ug 7 ka mga lalaki kondiin 73% ang anaa sa edad nga 11 ngadto sa 40-anyos.
Unom ka mga kaso ang natala sa Agusan del Sur diin 5 niini gikan sa lungsod sa Veruela samtang usa sa Rosario; 2 ka mga kaso usab ang natala sa lungsod sa San Isidro, Surigao del Sur; 7 usab ang natala sa Tandag City gikan sa Brgy. Telaje nga duna’y 4, Dagocdoc-2 ug usa sa Bagong Lungsod ug pito ka mga kaso usab ang natala ning siyudad sa Butuan kondiin mitala og tag-usa ka kaso ang Brgy. Bading, Dagohoy, Lemon, New Society Village, Pianing, San Vicente ug Tiniwisan.
Sa mga bag-ong kaso, mi-abot sa 19 ang wala’y simtomas kon asymptomatic, 2 ang mild ug 1 ang grabe ug silang tanan gi-quarantine na, gi-monitor ug padayong gi-atiman rason nga sa pagkakaron, mi-abot na sa 2,746 ang cumulative COVID-19 positives ning rehiyon; 650 ang aktibo pa; 1,980 ang nakarekober ug 116 gihapon ang natalang patay.
