BUTUAN CITY – Misangpot sa kamatayon sa 2 ka sundalo ug laing tulo ang samaron ang nahitabong aksidente sa kadalanan kagahapon sa alas 4:00 sa hapon sa may Purok-18, Brgy Poblacion, Prosperidad, Agusan del Sur.
Sa impormasyong nakuha ning sibyahan, nagsumikad sa San Francisco, Agusan del Sur ug padulong untana sa Bayugan City ang usa ka Starex Van nga nagtangag sa plaka numero AAS 1370 ug gimaneho ni Jaime Abrea Lao, 48-anyos, menyu, negosyante ug residents sa Brgy 4, San Francisco, Agusan del Sur.
Apan sa pag-abot sa nahitaboan, kalit nga misulay sa pag-overtake ang Toyota Fortuner nga nakapangalan sa local nga kagamhanan sa siyudad sa Bayugan og gimanehu ni Eldryn Mendoza 29-anyos ug residente sa 617 Metor Garden St Maimpis, San Fernando, Pampanga.
Tungod sa nakitang kasugat sa nag-overtake, gelayong mibalik sa iyang linya ang Fortuner rasong nabanggaan kini sa starex van og nahitabo ang aksidente.
Nakaresponde usab ang SARAS ug nadala sa hospital ang mga sakay sa nalambigit nga sakyanan apan nakabsan sa hinulamang kinabuhi ang drayber sa Fortuner nga si PFC Eldryn Mendoza ug sakay nga si 2LT Mary Joy Salentes nga parehong miyembro sa Philippine Army.
Samtang padayong gi-obserbahan ang kahimtang sa ilang kauban nga si 1LT Robert Calatrava Ching, 29-anyos ug PFC Arden Sumpio 31-anyos nga residente sa P-23, Sunrise Valley Subd, Brgy Lagao, General Santos City lakip na usab ang drayber sa van nga si Lao.
Sa kasamtangan, gipahiluna na sa pribadong punerarya sa may Brgy Pisaan, San Francisco, Agusan del Sur ang napatay sa maong aksidente nga gilaumang ipailalom sa post mortem examination.
PHOTO BY:Maurine Camino Llanos
