BUTUAN CITY – Misaka na sa 216 ang kinatibuk-ang kaso sa Delta variant sa COVID-19 sa Pilipinas human nadiskubrehan sa Department of Health (DOH) ang 97 ka mga bag-ong kaso sa pinaka-ulahing ‘whole genome sequencing’.
Sa 97 bag-ong kaso, 88 ang mga lokal nga kaso, unom ang mga Returning Overseas Filipinos (ROFs), ug tulo ang kasamtangan pa nga gi-beripika. Sa mga ROFs, duha ang mga tripulante sa MT Clyde ug Barge Claudia nga nakadunggo sa Port of Masao sa Butuan City ug atua na karon sa Albay samtang upat ang mga crew usab sa MV Vega nga bag-ohay lang miabot gikan sa Indonesia.
Anaa sa 94 ang nakarekober na samtang tulo ang namatay.
Padayon pang nakig alayon ang DOH sa mga lokal nga gobyerno aron makakuha og dugang mga impormasyon sama skung kinsa ang mga nakahugoy-hugoy sa mga nagpositibo ug ang ilang ‘vaccination status’.
Samtang nakatala usab og 83 bag-ong kaso sa Alpha variant; 127 bag-ong kaso sa Beta variant; ug 22 kaso sa P.3 variant.
