BUTUAN CITY – Miabot sa 82-mil 600 pesos ang kantidad sa illegal drugs ang nakumpiska og duha ang nadakpan sa mga ginsakpan sa Police Regional Office kon PRO-13 kaganing buntag.
Sigon ni POLICE BRIGADIER GENERAL ROMEO M CARAMAT, JR, regional director sa PRO-13, mihimo sa operasyon ang personahe sa Cabadbaran City Police Station sa Purok 2, Sitio Dinabucan, Brgy Mabini, Cabadbaran City, Agusan del Norte nga miresulta sa pagkasikop nila Leonel G. Fajaron, 41-anyos, menyu ug Florencio G. Atenza, “alyas Flor”, 32-anyos, menyu, kansa parehong negosyante nga taga P-2, Sitio Dinabucan, Barangay Mabini, Cabadbaran City.
Nakumpiska sa posisyon sa mga suspetsado ang 4 ka sachets sa gidudahang shabu nga mitimbang ug 7 gramos nga dunay Dangerous Drug Board Value nga 82-mil 600 pesos.
Gihimo ang operasyon pinaagi sa Search Warrant sa kalapasan sa R.A. 9165 nga gi-isyu ni Hon. Ela De Villa Angeles-Lim, Presiding Judge sa MTCC, Cabadbaran City 10th Judicial Region, probinsiya sa Agusan del Norte nga dunay petsang Oktobre 8, 2020.
Ang suspek nga si Leonel Fajaron nalista isip Regional Top Priority sa illegal drugs samtang si Florencio Atenza gikonsiderang newly identified drug personality.
Ang dinakpan og nakumpiskang mga butang gikustudiya sa Cabadbaran City Police Station alang sa pagsang-at sa tukmang kaso.
