BUTUAN CITY – Gi-angkon sa duha ka mga suspek sa pagpatay kang Negros Oriental Gov. Roel Degamo ngadto sa mga imbestigador nga anaa sa ilang posisyon ang usa ka video call sa tawong maoy mimando sa nasangpit nga pagpatay.
Gikumpirma kini sa Philippine National Police kon PNP human gi-anunsyo kagahapon nga gipinalisar na nila ang mga ebidensya sa maong pagpamusil niadtong Marso 4 nga mikalas usab sa laing walo ka mga indibidwal.
Sa pagkakaron, lima ka ihap sa kasong murder ug frustrated murder ang napasaka na batuk sa upat ka mga naarestong suspek bisan pa man na nagbangutan pa karon ang kabanay sa mga biktima.
Sigon sa PNP, lakip sa gilantaw karon sa Special Investigation Task Group kon SITG ang forensic analysis sa getaway vehicles ug sa mga armas nga narekober gikan sa mga nadakpang gun men dungan usab sa pagtumbok sa identity sa mga nanag-iya niini.
Sigon ni SITG Degamo spokesman Lt. Col Gerard Pelare, ila nang naila ang gika-ingong mastermind sa pagpatay apan wala na nila gipagawas pa ang mga detalye niini samtang padayon pa ang ilang final touches sa imbestigasyon.
Gidugang pa ni Pelare, niadto pang sayong bahin sa Disyembre ning mi-aging tuig gi-monitor sa mga suspek si Degamo.
Adiser ang pagpatay, gi-briefing pa ang mga gunmen sa usa ka safe house ug naghulat lang sa saktong timing paglusad sa maong kremin.
