BUTUAN CITY – Kapin sa 400 ka mga tawo ang hingpit nang nakabiya sa Gaza human nga gi-ablihan na ang Rafah crossing padulong ngadto sa Egypt kansa mao ang pinaka-unang higayon sukad nagsugod ang giyera.
Mi-abot sa 335 ka mga foreign passport holders ug 76 ka mga angol nga Gazans ang nakabiya na ug apil na niini ang duha ka mga Pinoy, base na usab sa pagkumpirma sa mga Palestinian officials.
Apil sa mga nakabiya na sa teriltoryo ang mga British nationals base na usab sa pagkumpirma sa UK Foreign Office. Samtang dido sa Gaza, hingpit nang naputol ang phone ug internet services partikular ang provider Paltel.
Nasayrang wala’y hunong ang gihimong pagpamomba sa Israel sa Gaza human ang Oktubre 7 nga pag-atake sa militanteng Hamas nga mikalas og 1,400 ka mga tawo samtang 239 ang gipangdagit ug gipang-hostage.
Sigon sa health ministry sa Gaza nga gidumala sa Hamas, kapin sa 8,700 ka mga tawo na ang napatay sukad gisugdan sa Israel ang ilang retaliatory bombing.
