BUTUAN CITY – Padayon pang gipangita sa Municipal Disaster Risk Reduction and Management Office sa lungsod sa Hinatuan, Surigao del Sur, ang duha ka mga mananagat nga gikan sa mang lungsod human na-missing ning mi-aging adlaw.
Naila ang nahanaw nga sila Renante Solis, 49-anyos ug Gerard Garcia Palma, 28-anyos, parehong minyo ug mulupo sa P5 Mawis, Brgy. Tidman, sakop sa maong lungsod.
Nahibawan ang ilang pagkahanaw human nga midangop sa buhatan sa kapulisan ang ilang tagsa-tagsa ka mga asawa ug gipa-blotter kini.
Nasayrang sakay ang duha sa kolor green nga motorized boat nga duna’y tatak nga Reahmae sukad pa niadtong Disyembre 26 aron mangisda sa kadagatang nag-atubang sa Pacific Ocean.
Niadtong higayuna duna’y natalang mga dagkong balud nga hatud sa shearline kansa mihapak sa kabaybayunan ug naghatud usab og mga pagbaha sa halos tibuok rehiyon sa Caraga.
BETH –
