BUTUAN CITY – Gi-anunsyo sa military wing sa militanteng grupong Hamas nga mao ang Qassam Brigades, nga laing duha ka mga hostages ang ilang gibuhian pinaagi sa Egyptian-Qatari mediation.
Samtang gikumpirma usab sa usa ka Israeli government official nga ang gibuhian mao sila Nurit Cooper ug Yocheved Lif-shitz.
Nasuta usab nila gikan sa International Red Cross nga mitabang kini pag-facilitate sa pagbuhi sa duha ka mga bihag sa Hamas kansa gi-transport paggawas sa Gaza pila ka oras lang ang nakalabay.
Dugang pa sa humanitarian group, ang ilang papel isip usa ka neutral intermediary may hinungdan nga nabuhian ang duha dungan sa pagbutyag nga andam gihapon silang mu-facilitate sa ingon niini nga buluhaton sa umalabot.
Dili moubos matud pa sa 10 ka Amerikano nag bihag karun sa Hamas nga gipanghinaot ni US President Joe Biden nga mabuhian na.
