BUTUAN CITY – Gi-usa-usa ni Atty. Ariel Moshi Cahoy, hepe sa City Business Permit and Licensing Department kon CBBLD-Butuan ang findings sa ilang gihimong pagmonitor sa presyo sa mga produkto alayon sa krises nga nasinatian tungod sa giyera sa Middle East.
Sigon ni Atty. Cahoy, nga base sa nakita sa paglibot sa Bantay Presyo Team nga gimugna pinaagi sa Local Prize Coordinating Council, dunay duha ka gasolinahan nga walay certificate of compliance gikan sa Department of Energy konn DOE nga apil usab sa ilang team.
Tungod niini, isyuhan nila kini og showcause order nga ipasa ngadto sa Department of Energy og kun dili ma-satisfy ang maong ahensiya sa ilang tubag, pwede silang pasirad-an o ang local government unit sa Butuan, mag-revoke sa ilang business permit.
Samtang angmga gasolinahan dunay nagkalain-laing presyo og dunay uban nga nagpasaka na og presyo bisan paman og daan na ang ilang stock.
Sa mga basic goods diin giuna nila ang bugas, giklaro sa abogado nga walay pagsaka sa primary supermarkets apan duna sa secondary store. Sa karun, ipadayon nila ang gihimong monitoring ilabina sa gasoline station diin bitbiton ang nadawat nga mga reklamo ilabina kay duna matud pad mga station nga sayu manira adiser magpasaka og presyo.
Nagpaabot nalang kini og hangyu ngadto sa mga gasoline station nga dili magpasulabi sa pagpasaka og presyo tungod kay mas mosamot pa ang miserable nga kinabuhi ugaling sila mag-abusar.
