BUTUAN CITY – Ang grabeng selos maoy usa sa gilantaw nga anggulo sa kapulisan sa Davao City sa pagpatay sa usa ka amahang si Pajarito Aragon, 57-anyos sa duha niya ka mga anak ug sa kaulahian, nagpakamatay usab.
Una nang nakurat ang mga residente sa Brgy. 39-D sa maong siyudad dihang napalgan ang duha ka mga batang nag-edad og 7 ug 9-anyos nga wala na’y kinabuhi sulod sa gi-abangan nilang kwarto.
Migawas sa inisyal nga imbestigasyon nga posibleng gilumsan o kaha gitu-ok una sa suspek nga trisicad driver ang iyang mga anak adiser kini nagluba sa iyang kaugalingon.
Nasayrang mag-usa ka buwan nang gibiyaan ang suspek sa iyang asawang si Berna Mae Dalangin, 34-anyos, kinsa atua sa General Santos City human matud pa kini gipasakitan sa suspek.
Sigon ni Amalia Ganzan, lola sa mga bata, niadtong Huwebes dihang ilang gireklamo ang suspek sa kapulisan human naghilak ang iyang mga apo tungod sa hulga nga patyon sila sa ilang amahan.
Gisulayan matud pa niini pagkuha ang mga bata apan wala kini gihatag sa suspek hangtud nga na-abtan sa maong hitabo.
