BUTUAN CITY – Gibana-banang mu-abot sa sien-mil pisos ang inisyal nga damyos sa pagkasunog sa 19 ka mga balay kagabii sa Purok 3, Brgy. Port Poyohon ning siyudad sa Butuan.
Sa eksklusibong pakighinabi sa Bombo Radyo Butuan, gibutyag ni Fire Officer 3 kon FO3 Ben Sergio Pelletero sa Bureau of Fire Protection-Butuan, nagsugod pag-ulbo ang kalayo sa pinuy-anan ni Darwin Dagunuan, 20-anyos, residente sa maong lugar pasado alas-11:20 kagabii kansa namatikdan samtang kamulo sila og dula sa iyang higala og cell phone.
Paspas matud pang mikaylap ang kalayo hinungdan nga nadeklara kining fireout pasado ala-1:37 kaganinang kaadlawon ug mi-abot matud pa sa 2nd alarm ang sunog.
Gidugang pa ni Pelletero nga duna sila’y ka-ubanang bombero nga na-assign sa Libertad Fire Station nga natunok og umbrella nail nga nailang si FO1 Daizon Monte.
Nagdugo matud pa ang iyang samad apan nadapatan gilayon kini og first aid sa taga-City Disater Risk Reduction and Management Office kon CDRRMO.
