-- ADVERTISEMENT --
BUTUAN CITY – Mukabat sa 16 ang angol sa nagubang foot bridge sa Barangay Daan, Malaptan, Sarangani Province kagabii, Oktubre 29, 2023.
Daling girespondihan sa mga sakop sa MDRRMO-Malapatan ang maong insidente ug gidala sa Sarangani Health Care Facility sa Alabel ang mga biktima sa maong insidente.
Personal usab nga gitutokan ni Mayor Salway “Jun” Sumbo Jr. ang maong insidente kauban si MDRRM Officer Bon-Bon Quino. Dugang usab nga miresponde sa maong insidente ang PNP Malapatan, MDRRMO Alabel, PDRRMO Sarangani, ug Municipal Councilor Brandy Palarion, EMT.
Sa pagkakaron, nakauli na sa ilahang panimalay ang ubang mga biktima nga gidala sa Sarangani Health Care Facility.
