BUTUAN CITY- Padayon ang pagsaka sa kaso sa COVID-19 sa tibuok Caraga Region.
Sa latest update nga gipagawas sa DOH Center for Health Development- Caraga , nadugangan og 131 ang mga confirmed active case sulod sa rehiyon.
Natala sa Butuan City ang pinakadaghan nga nadugang nga kaso nga adunay 37 ka bag-ong confirmed active cases, gisundan kini sa Agusan del Sur nga adunay 16 ; Bayugan City 5 ;Cabadbaran 11; Bislig City 4; Dinagat Islands 6; Tandag City 3; Surigao del Sur 10 ; ug Surigao City adunay 20 ka kaso samtang ang Surigao del Norte 11 ka kaso ang nadugang.
Sa karon misaka pa 11,415 ang kinatibuk-ang kaso sa rehiyon diin sa maong ihap 9,638 ang mga recoveries.
Muabot pa sa 1,401 ka mga pasyente sa COVID-19 ang anaa sa mga isolation facility, ug misaka sa 376 ang kinatibuk-ang namatay human ang nadugang nga duha ka covid-19 related deaths.
