BUTUAN CITY- Muabot sa 36 ka mga kabatan-onan ang nabakunahan na batok sa covid-19. Kini human nga gisugdan sa syudad ning miaging adlaw ang pagbakuna sa 12 anyos hangtod 17 anyos.
Gipahigayon usab nag bakunahan sa Manuel J. Santos Hospital.Lakip sa mga gibakunahang batan-on ang mga dunay gibating sakit o Comorbidities kondiin pipila sa mga gikonsiderang comorbidities ang diabetes, kidney problem, asthma, heart problem ug uban pa nga base usab sa guidelines nga gihatag sa Department of Health.
Sumala ni Dr. Dean Dimaano, Chief of Clinics sa MJ Santos Hospital nga dako kining na matud pa kinng tabang sa mga batan-on nga nag edad 12 anyos hantud 17 anyos tungod adunay tsansa nga dunay kumplikasyon sa covid kung mataptan sila niini.
Apan kung mabakunahan na matud pa posibleng makuhaan na ang risgo sa usa ka indibidwal nga makasinati og grabing sakit kung maigo sa Covid-19.
Hinungdan nga tumong karun sa nasangpit nga balay tambalanan nga matag semana dunay igahin nga adlaw alang lamang sa pagbakuna sa nasangpit nga age bracket nga nasunod gihapon sa skedyuling sa DOH.
Samtang gikatakdang sunod semana, sugdan na usab ang pagbakuna sa susamang edad apan kadtong mga walay comorbidities.
