BUTUAN CITY – Target sa lokal nga kagamhanan sa Nasipit, Agusan Del Norte ang 100 percent nga rabies free community.
Sigon ni Reynard Dalauta, Agricultural Technician II og Livestock Coordinator sa Municipal Agriculture Office kon MAO-Nasipit, Agusan Del Norte nga paningkamotan nila karun nga malabwan pa ang 91 porsiento nga nabakunahang mga ero sa nakalabay nga tuig.
Alayon usab sa pagselebrar ning bulan sa Marso isip Anti-Rabies Awareness Month for approval na ang gisubmite nilang sulat ngadto sa provincial veterinary office aron makapahigayon og mass ant-rabies vaccination lakip na ang pagpangapon nga laumang masugdan karun nga bulan.
Segurado matud pang pahimuslan kini sa katawhan ilabina kay libre ang pagpamakuna nga himoon. Lakip sa aktibidad nga ilang himoon sa mga barangay ang mobile-up registration aron ma-track ang nabakunahang mga ero.
Samtang hapit na usab mahuman ang gitukod nga dog pound og laumang masugdan na ning tuiga ang pagpangdakop sa latagaw nga ero.
Dunay gipanghatag usab sila nga Information Education Campaign kon IEC materials sa mga pamatigayon og mga tunghaan nga ila na usab nga sudlon aron itudlo ang mga benipisyo sa pagbakuna sa mga ero lakip na sa ering.
Gibutyag nalang ni Dalauta nga bisan og nabakunahan na ang ero, ugaling mapakapaak kini og tawo kinahanglang balik gihapon sa basic nga buhaton ang pag-obserba sa ero sulod sa 14 ka adlaw og ang pag-inject sa anti-tetanus sa napaakan niini.
