BUTUAN CITY- Nagpadayon ang kapintasan sa Gaza bisan pa sa padayon nga kasabotan sa hunong-buto, diin labing menos 10 ka Palestiniano ang namatay sa serye sa mga giingong pag-atake sa Israel niadtong Domingo, sumala sa Gaza Civil Defence ug mga lokal nga ospital.
Upat ka tawo ang namatay sa airstrike nga miigo sa usa ka sakyanan duol sa Al-Buraq School sa Gaza City, samtang lima pa ang napatay ug 17 ang na-angol sa laing pag-atake nga nagtarget sa estasyon sa kapulisan sa Al-Mawasi, Khan Yunis. Sa laing insidente, usa usab ka mangisdaay ang namatay human gipusil sa mga pwersang pandagat sa Israel. Sigin sa militar sa Israel nga ilang gisusi ang mga taho bahin sa mga pag-atake.
Bisan adunay ceasefire sukad niadtong Oktubre sa miaging tuig, nagpadayon gihapon ang pagbinayloay og akusasyon tali sa Israel ug Hamas sa paglapas niini. Sumala sa Ministry of Health sa Gaza, mikabat na sa 961 ka Palestiniano ang namatay sukad nagsugod ang truce, samtang lima usab ka Israeli military ang napatay.
