BUTUAN CITY – Gikumpirma ni Lt.Col. Francisco Molina Jr., commanding officer sa 23rd Infantry Battalion, Philippine Army nga miresulta sa kamatayon sa usa ka rebelde natigayong duha ka engkuwentro sa kasundaluhan og New People’s Army kagahapon sa bukirang parte sa Sitio Bulak, Barangay Lower Olave, lungsod sa Buenvista, Agusan Del Norte.
Hilabihan pa ang pagpasalamat ni Lt. Col. Molina sa mga residente sa maong lugar nga maoy nagtudlo kanila kung asa nag-hide out ang rebelde hinungdang natigayon ang engkuwentro diin nakuha ang mga gamit pang-giyera sama sa backpack, radio ug uban pa.
Samtang sa pagkahapon, gitudlo na usab sa residente kung asa nanagan ang rebelde hinungdang miulbo na usab ang engkuwentro nga miresulta gayud sa kamatayon sa rebelde ug nakuha ang armas, backpack, magazine ug bandolier.
Samtang walay nahimong casualty sa tropa sa kagamhanan. (Rolan Janea)
